ShQO-da kúıeýin pyshaqtap tastaǵan áıelge qatysty is qozǵaldy
ÓSKEMEN. QazAqparat – Shyǵys Qazaqstan oblysy Borodýlıha aýdanynda kúıeýin pyshaqtaǵan áıelge qatysty is qozǵaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Borodýlıha aýdandyq polıtsııa bólimine Jezkent aýyldyq aýrýhanasyna pyshaqpen jaralanǵan 35 jastaǵy turǵynnyń jetkizilgeni týraly habar túsken.
«Belgili bolǵandaı, úıdegi janjaldyń saldarynan áıel adam kúıeýiniń ishine pyshaq suqqan. Aýyr dárejedegi dene jaraqatyn alǵan jábirlenýshi aýrýhanaǵa jatqyzyldy. Tártip saqshylary 27 jastaǵy áıeldi ustady. Ol jaýap alý barysynda óz kinásin moıyndady», - dedi oblystyq PD bastyǵy Saǵat Mádıev.
Atalǵan fakti boıynsha QR QK-niń 106-baby 1-bóligine (densaýlyqqa qasaqana aýyr zııan keltirý) sáıkes sotqa deıingi tergeý amaldary júrgizilip jatyr.
