ShQO-da qutqarýshylardyń sý tasqynyna daıyndyǵy tekserildi
Kóktemgi sý tasqyny kezeńine ázir bolý úshin ShQO Tótenshe jaǵdaılar departamentiniń materıaldyq-tehnıkalyq quraldary, naqty aıtqanda sorǵy stantsııalary men motopompalar tekserýden ótti. Belgili bolǵandaı, tolyqtaı jabdyqtalǵan barlyq 115 motopompa jumys istep tur. Aıta keteıik, Óskemen, Semeı jáne Altaı qalalarynda 7 sorǵy stantsııasy bar.
«Departamenttiń jeke quramymen teorııalyq jáne praktıkalyq sabaqtar ótkizilip, motopompanyń qurylymy jáne onymen jumys kezindegi qaýipsizdik tehnıkasy jiti túsindirildi. Qazirgi ýaqytta 13 qaıyq, 44 úrlemeli rezeńke qaıyq jáne 1 keme daıyn tur», - dep habarlady oblystyq TJD baspasóz qyzmeti.
Vedomstvo ókilderiniń málimetinshe, sý tasqyny kezeńinde jumys isteıtin qyzmetkerler 708 Lıman gıdrokombınezonymen jabdyqtalǵan.