ShQO-da qutqarýshylar jolda qalǵan eki adamǵa kómektesti
ÓSKEMEN. QazAqparat – Shyǵys Qazaqstan oblysy Katonqaraǵaı aýdanynda eki adam kólikteri synyp, jolda qalǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 8 aqpanda saǵat 04.53-te qutqarýshylarǵa habarlasqan «Toyota Camri» markaly avtokóliginiń júrgizýshisi «Óskemen-Rahman qaınary» tasjolynyń 291-shi shaqyrymyndaǵy Katonqaraǵaı aýdany Maıemer jáne Soldatovo aýyldary arasynda jolda qalǵanyn aıtty.
«Oqıǵa ornyna №26 órt sóndirý bóliminiń qyzmetkerleri kelip jetti. Belgili bolǵandaı, 2 adam minip kele jatqan kólik kenet synyp qalǵan. Azamattar jaqyn mańdaǵy Úlken Naryn aýylyna jetkizildi», - dep habarlady vedomstvo ókilderi.
Osy rette, TJD óńir turǵyndaryna alys saparǵa shyǵar aldynda kólikterin muqııat tekserip alý qajettigin eskertedi.
