ShQO-da qutqarýshylar jolda qalǵan balyqshylarǵa kómektesti
ÓSKEMEN. QazAqparat - Shyǵys Qazaqstan oblysy Ulan aýdanynda qutqarýshylar kólikteri qarǵa batqan eki balyqshyǵa kómek kórsetti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, eki balyqshynyń Mitsubishi Pajero avtokóligi qar qursaýynda qalǵan. Birden oqıǵa ornyna arnaıy tehnıkamen kelip jetken qutqarýshylar azamattardy jaqyn mańdaǵy Shúlbi kentine jetkizdi. Balyqshylarǵa medıtsınalyq kómek qajet bolmaǵan.
- Belgili bolǵandaı, ózenge balyq aýlaýǵa shyqqan er adamdar qalyń qardan keri qaıta almaı qaldy. Olar qutqarýshylardyń aldyn ala jasaǵan eskertýin elemegen, - dep habarlady vedomstvo ókilderi.
Osy rette, departament mamandary turǵyndarǵa alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
