ShQO-da qutqarýshylar jolda qalǵan 10 adamdy evakýatsııalady
ÓSKEMEN. QazAqparat – Shyǵys Qazaqstan oblysy Altaı aýdanynda qutqarýshylar kóligi batpaqqa batyp qalǵan 10 adamdy evakýatsııalady, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, oqıǵa búgin Altaı aýdandaǵy demalys bazalarynyń birinde bolǵan.
Aýylishilik jolda kele jatqan «Skoda Yeti» markaly avtokólik batpaqqa batyp qalǵan. Azamattar birden qutqarýshylarǵa habarlasty.
«Oqıǵa ornyna jedel kelgen №19 órt sóndirý bóliminiń qyzmetkerleri kómekke muqtaj 2 «Toyota Camry» jáne «Mitsubishi Pajero» markaly avtokólikterdi kórdi. Qutqarýshylar kólikterdi súırep shyǵaryp, 10 adamdy, onyń ishinde 4 balany evakýatsııalady», - dep habarlady vedomstvo ókilderi.
Osy rette TJD mamandary óńir jurtshylyǵynan alys jolǵa shyqqanda qaýipsizdik sharalaryn qatań saqtaý qajettigin eskertedi.
Qolaısyz aýa raıynda jetýi qıyn jerlerge barmaǵan jón.
