ShQO-da qutqarýshylar jol apatynda qıraǵan kólikten eki adamdy alyp shyqty
ÓSKEMEN. QazAqparat – Shyǵys Qazaqstan oblysynda qutqarýshylar jol apatynan zardap shekkenderge kómek kórsetti, dep habarlaıdy QazAqparat tilshisi.
ShQO TJD baspasóz qyzmetiniń málimetinshe, jýyqta Ulan aýdany Donskoe aýylynda jol apaty bolǵan. Polıtsııa qyzmetkerleri apatqa túsken kólikten zardap shekkenderdi shyǵarý úshin qutqarýshylardy kómekke shaqyrdy.
«Aýyr jaraqat alǵan eki er adam qysylyp qalmaǵan. Biraq qıraǵan kólikten shyǵý qıyndap ketken. Qutqarýshylar olardy syrtqa shyǵaryp, alǵashqy medıtsınalyq kómek kórsetti. Oqıǵa ornyna Apattar medıtsınasy ortalyǵynyń dárigerleri kelip jetkenshe jaraqattanǵan taǵy eki azamatqa alǵashqy kómek kórsetilgen», - dep habarlady vedomstvo ókilderi.
Aıta keteıik, túrli jaraqat alǵan barlyq zardap shekkender kóp uzamaı kelgen medıtsına qyzmetkerlerine tapsyryldy.
