ShQO-da qutqarýshylar jol apatyna túsken júrgizýshige kómektesti
ÓSKEMEN. QazAqparat – Shyǵys Qazaqstan oblysynda qutqarýshylar jol apatyna túsken júrgizýshige kólikten shyǵýǵa kómektesti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin Kókpekti aýdanyndaǵy «Omby-Maıqapshaǵaı» tasjolynyń «Baıbýra» ýchaskesinde «VAZ 2114» jáne «BMW» kólikteri betpe-bet soqtyǵysqan.
«Jol-kólik oqıǵasy saldarynan «VAZ» kóliginiń júrgizýshisi salonda qysylyp qalyp, syrtqa qaraı shyǵa almady. Oqıǵa ornyna kelip jetken №33 órt sóndirý bóliminiń qyzmetkerleri gıdravlıkalyq qaıshynyń kómegimen er adamdy shyǵaryp, jedel járdem dárigerlerine tapsyrdy», - dep habarlady vedomstvo ókilderi.
Osy rette, TJD turǵyndarǵa alys saparǵa shyqqan kezde Darmen mobıldi qosymshasy arqyly joldardyń jaı-kúıi týraly aldyn ala bilip alýǵa keńes beredi.
