ShQO-da qutqarýshylar Úlbi ózenin kvadrokopterdiń kómegimen baqylap otyr
ÓSKEMEN. QazAqparat - Shyǵys Qazaqstan oblysynyń Shemonaıha aýdanynda qutqarýshylar Úlbi ózeniniń jaǵalaýyn kvadrokopterdiń kómegimen baqylap otyr, dep habarlaıdy QazAqparat Shyǵys Qazaqstan oblysy Tótenshe jaǵdaılar departamentine silteme jasap.
Ózendegi jaǵdaıdy baqylaýmen Shyǵys Qazaqstan óńirlik aeroutqyr jedel qutqarý otrıady, Shemonaıha aýdanynyń tótenshe jaǵdaılar bólimi men jergilikti atqarýshy organdar júzege asyrýda. Ózende qazirgi tańda sý erkin aǵyp jatyr. Alaıda Ertis pen Úlbi ózenderiniń saǵasynda keptelis paıda bolǵan.
«Úlbi aýylynyń tómengi jaǵynda 7 km qashyqtyqtan kvadrokopterdiń kómegimen Úlbi ózeninde azdaǵan keptelistiń paıda bolǵandyǵy baıqaldy. Onyń uzyndyǵy shamamen 500 metr de eni 40 metr. Muzdyń qalyńdyǵy qazir ortasha alǵanda 20-50 sm aralyǵynda. Muz aqyryndap erip jatyr, sol sebepti jergilikti turǵyndarǵa odan keler qaýip joq. Sý muz astynda jatyr»,-dep túsindirdi jaǵdaıdy Shemonaıha aýdany tótenshe jaǵdaılar bóliminiń bastyǵy Erik Toıbaev. 
Ózenniń qaýip týdyrýy múmkin bólikterinde táýliktik kezekshilik qoıyldy.
