ShQO-da qutqarýshylar turǵyndarǵa mereke qarsańynda órt qaýipsizdigin saqtaýdy eskertti

ÓSKEMEN. QazAqparat – Shyǵys Qazaqstan oblysynda ótken jyly 1800-den astam órt tirkelgen, dep habarlaıdy QazAqparat tilshisi.

ShQO Tótenshe jaǵdaılar departamenti órt qaýipsizdigi basqarmasynyń bastyǵy Rınat Qondybaevtyń aıtýynsha, bıyl órtten 52 adam kóz jumyp, 47 adam jaraqat aldy. Tek 7-10 jeltoqsan aralyǵynda órt saldarynan 4 adam mert bolǵan.

«Qaıǵyly oqıǵa Altaı, Jarma, Glýbokoe aýdandarynda jáne Semeı qalasynda tirkeldi. Órttiń negizgi sebepteri – pesh jabdyqtary men elektr quraldaryn durys paıdalanbaý jáne ot jaǵýdaǵy salaqtyq. Osy oraıda alda kele jatqan mereke qarsańynda turǵyndarǵa pesh murjasyn ýaqtyly tazalap, aqaýy bar elektr jabdyqtaryn jóndep, órt qaýipsizdigi talaptaryn umytpaý kerektigin eske salǵym keledi, - dedi ShQO TJD Órt qaýipsizdigi basqarmasynyń bastyǵy.