ShQO-da qutqarýshylar órtengen qoradan 4 gaz ballonyn shyǵaryp úlgerdi
ÓSKEMEN. QazAqparat – Shyǵys Qazaqstan oblysy Glýbokoe aýdanynda qutqarýshylar órtengen qoradan 4 gaz ballonyn shyǵaryp úlgerdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Ýshanov aýylyndaǵy sharýashylyq qora-jaılarda órt shyqqan. Oqıǵa ornyna kelip jetken órt sóndirýshiler birden tilsiz jaýdy aýyzdyqtaýǵa kirisip, jalynnyń jer úıge taralýyna jol bermedi. Sondaı-aq qutqarýshylar qoranyń ishinen 4 gaz ballonyn shyǵaryp úlgergen.
Aıta keteıik, órtti óshirýge jeke quramnan 20 adam men tórt tehnıka jumyldyryldy. Tilsiz jaýdyń shyǵý sebebi – otpen abaısyz áreket etýden nemese elektr jabdyqtaryn montajdaý jáne paıdalaný kezinde órt qaýipsizdigi talaptaryn saqtamaýdan bolýy múmkin.
