ShQO-da qutqarýshylar men polıtseıler ózen-sýlardyń jaǵalaýlaryn patrýldeýde
ShQO Tótenshe jaǵdaılar departamenti baspasóz qyzmetiniń málimetine súıensek, óńirde aýa raıy kúrt jylynyp, jurtshylyq sý jaǵasyna baryp demalýdy bastady. Osyǵan baılanysty qutqarýshylar men polıtsııa qyzmetkerleri ózen-sýdyń jaǵalaýyn, shomylýǵa ruqsat etilmegen jerlerdi qaıyqpen partýldep, kezekshilikke shyǵýda.
«Demalýshylarǵa qaýipsizdik erejeleri úıretilip, arnaıy jadynamalar taratylýda. Sondaı-aq talaptardy elemegen, atap aıtqanda tyıym salynǵan jerlerde shomylǵan adam ákimshilik jaýapkershilikke tartylatyndyǵy eskertilýde. Osy ýaqytqa deıin 233 ret jaǵalaýǵa barlaý jasaldy», - dep habarlady vedomstvo ókilderi.
Ótken shomylý maýsymynda tártip saqshylary QR ÁQBtK-niń 364-babymen (Sý paıdalaný erejelerin buzý) 146 azamatty, 440-baby (ishimdik ishý nemese qoǵamdyq oryndarda mas kúıde júrý) boıynsha 314 adamdy jaýapqa tartqan.
Jaǵajaılarǵa júrgizilgen tekserý nátıjesi kórsetkendeı, sý qoımalarynyń kóbinde balalardyń shomylatyn oryndary jabdyqtalmaǵan, qutqarýshylar men dárigerlerdiń statsıonarlyq beketi joq jáne azamattardyń shomylýyn shekteıtin belgi qoıylmaǵan.
