ShQO-da qutqarýshylar kóligimen asýda qalyp qoıǵan erli-zaıyptyny qutqardy
ÓSKEMEN. QazAqparat – Shyǵys Qazaqstanda oblysynda qutqarýshylar kóligimen asýdaǵy jolda qalyp qoıǵan erli-zaıyptylarǵa kómektesti, dep habarlaıdy QazAqparat ShQO Tótenshe jaǵdaılar departamentiniń baspasóz qyzmetine silteme jasap.
Departamenttiń baspasóz qyzmetiniń habarlaýynsha, 21 qazanda qutqarýshylarǵa er adam jubaıymen birge Katonqaraǵaı jaǵynan kelgende shamamen 10 shaqyrym jerdegi (Óskemen-Rahman qaınary) «Staroaýstrııskaıa doroga» tasjolynyń birinshi asýynda turǵanyn aıtqan. Olar «Nissan Rnessa» markaly avtokóligimen kele jatqan, kólik kenetten aınalyp ketip, kıývetke shyǵa jazdaǵan. Jolaýshylar ári qaraı júre almaǵan. Qutqarýshylar jedel kómekke kelip, olar jolaýshylary bar kólikti jaqyn mańdaǵy eldi mekenge súırep apardy.
ShQO TJD ókilderi aýa raıy men joldyń jaǵdaıyn bilmeı turyp, jolǵa shyqpaý qajettigin esketedi. «Dármen» qosymshasynda kún raıyna baılanysty eskertýler men joldardyń jabylýy týraly málimetterdi aldyn-ala bilip otyrý kerek. Josparlanǵan baǵyt pen shamamen qaıtý ýaqytyna da habarlaǵan jón.
«Ózińizben birge sham, alǵashqy kómekke qajetti zattar, azyq-túlik pen uıaly telefon qýattaǵyshyn alyp júrińiz. Tótenshe jaǵdaı kezinde 112 nómirine habarlasyńyz»,-delingen habarlamada.
