ShQO-da qutqarýshylar qıyn jaǵdaıǵa tap bolǵan 92 balaǵa kómekke kelgen

ÓSKEMEN. QazAqparat – Shyǵys Qazaqstan oblysynda 2021 jyldyń basynan beri qutqarýshylar qıyn jaǵdaıǵa tap bolǵan 92 balaǵa kómekke keldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, osy jyldyń basynan beri qutqarýshylar balalarmen bolǵan oqys oqıǵalarǵa baılanysty 92 ret kómekke attanǵan. Kóp jaǵdaıda bul ata-anasynyń qaraýynsyz qalǵan sábıler nemese úıdiń syrtynda, kóshede jáne sý aıdyndarynda qalyp qoıǵan balalar boldy.

«Balaǵa kásibı qutqarýshynyń kómegi osyndaı oqys oqıǵalarda qajet bolyp jatady. Sonymen qatar departament qyzmetkerleri arnaıy tehnıkanyń kómegimen qorshaý torlarynyń arasynda jáne radıatorlarda turyp qalǵan, jabyq páterde qalyp qoıǵan búldirshinderdi alyp shyǵady», - dep habarlady vedomstvo ókilderi.