ShQO-da qutqarýshylar qar basqan aýyldaǵy júkti áıeldi perzenthanaǵa jetkizdi
ÓSKEMEN. QazAqparat - Qutqarýshylar Shyǵys Qazaqstan oblysy Borodýlıha aýdany Voznesenovka aýylyndaǵy tolǵaǵy qysqan áıeldi perzenthanaǵa jetkizdi, dep habarlaıdy QazAqparat tilshisi.
Semeı qalalyq Tótenshe jaǵdaılar basqarmasy baspasóz qyzmetiniń habarlaýynsha, qutqarýshylar qar basqan aýyldaǵy aıaǵy aýyr áıelge jol talǵamaıtyn kólikpen kómekke jetken.
«Qalyń qardyń saldarynan aýylǵa aparatyn tóte jolmen jete almadyq. Qaıtadan artqa sheginip, basqa baǵytpen barýǵa týra keldi. 3 saǵattyń ishinde dittegen jerge de jettik. Osylaısha júkti áıeldi der kezinde aýdandyq ortalyq perzenthanaǵa apardyq», – deıdi jedel-qutqarý jasaǵynyń basshysy Qaırat Sákenov.
