ShQO-da qutqarýshylar bir kúnde 4 órtti sóndirdi

ÓSKEMEN. QazAqparat – Shyǵys Qazaqstan oblysynyń qutqarýshylary 24 naýryz kúni 4 órtti sóndirdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, keshe saǵat 21.51-de Óskemendegi «Rodnıchok» saıajaı qaýymdastyǵynda ornalasqan fermany jalyn sharpyǵan. Sol jerge jedel jetken qutqarýshylar ishten 2 gaz ballonyn shyǵaryp úlgerdi. Kóp uzamaı jalpy aýdany 30 sharshy metrdi quraǵan tilsiz jaý tolyqtaı óshirildi.

«Budan bólek, Semeı qalasyndaǵy jeke turǵyn úıde órt shyqqan. Órt sóndirýshiler 5 sharshy metrge jaıylǵan jalyndy aýyzdyqtady. Sondaı-aq Altaı aýdanyndaǵy demalys bazalarynyń birindegi úıdiń tóbesi órtendi. Belgili bolǵandaı, sonda turyp jatqan jumysshylardyń biriniń denesin kúıik shaldy. Aldyn ala málimet boıynsha órttiń shyǵýyna – mas kúıde otty abaısyz paıdalaný sebep bolǵan», - delingen habarlamada.

Kókpekti aýdany Terekti aýylynyń irgesinde ornalasqan sharýa qojalyǵynyń aýmaǵyndaǵy jylyjaıdy órt shyqty. Oqıǵa ornyna shuǵyl jetken qutqarýshylar 190 sharshy metr aýmaqtaǵy qyzyl jalyndy sóndirdi.

Aıta keteıik, jyl basynan beri Shyǵys Qazaqstanda otty abaısyz paıdalanýdyń saldarynan 169 órt bolǵan.