ShQO-da qutqarýshylar arasynda ulttyq kıim chellendji ótti
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar qazaq halqynyń dástúrli kıimderin kıip, chellendj ótkizdi.
Chellendjge qutqarýshylar, dıspetcherler, órt sóndirý avtokólikteriniń júrgizýshileri, kadr qyzmetiniń mamandary jáne memlekettik órt baqylaý ınspektorlary qatysty. Olar beshpent, shapan jáne dástúrli oıý-órnekteri bar kıimder kıdi. Qyzdar ádemi kóılekter men zergerlik buıymdarmen sándendi. Mundaǵy maqsat – ulttyq kıimderdi, salt-dástúrdi nasıhattaý.
«Naýryz meıramy – dostyqqa, meıirimdilik pen yntymaqqa shaqyrady. Bul kúni adamdar týystary men jaqyndaryna qonaqqa barady jáne bir-birlerine izgi titekterin bildiredi. Biz osy fotojoba arqyly ulttyq kıimniń joǵary mańyzdylyǵyn kórsetip, halyqtyń nazaryn aýdarýǵa tyrystyq. Óıtkeni ulttyq kıim-keshek adamnyń syrtqy sulýlyǵyn ǵana emes, baı-rýhanı álemin, óz halqyna degen súıispenshiligin beıneleıdi,- dep atap ótti oblystyq TJD kadr saıasaty basqarmasynyń bastyǵy Aıdyn Mýstafın.
