ShQO-da qutqarýshylar apatqa ushyraǵan kólikten júrgizýshi men balany shyǵaryp aldy
NUR-SULTAN. QazAqparat – Shyǵys Qazaqstan oblysynyń qutqarýshylary jol-kólik apatynan zardap shekkenderge kómektesti. Bul týraly QazAqparat ShQO TJD baspasóz qyzmetine silteme jasaı otyryp habarlaıdy.
ShQO TJD-ǵa 3 qańtarda Óskemen-Beloýsovka tasjolynda jol-kólik oqıǵasy bolǵanyn habarlaǵan. Eki «VAZ» jáne «Kıa» avtokólikteriniń soqtyǵysýy saldarynan adamdar jaraqat alǵan. Kólik apatynan zardap shekken eki adam, júrgizýshi men 12 jasar qyz bala VAZ kóliginen ózdiginen shyǵa almaı qalǵan.
«Oqıǵa ornyna jetken Beloýsovka aýylynyń qutqarýshylary kóliktiń aldyńǵy jaqta ornalasqan oryndyǵyn jyljytqan. Osy ýaqytta oqıǵa ornyna qosymsha jedel qutqarý otrıadynyń mamandary kelip, qyz balany kólik ishinen shyǵaryp, jedel járdem qyzmetkerlerine tapsyrǵan. Odan keıin kólik júrgizýshisin shyǵarýǵa kirisken. Arnaıy qurylǵynyń kómegimen kólik esigin ashyp, oryndyqty qozǵaltyp, zardap shekken júrgizýshini syrtqa shyǵarǵan», - delingen ShQO TJD baspasóz habarlamasynda.
Qutqarýshylar qys mezgilinde jol-kólik oqıǵasynan saqtanýdyń birden bir joly – kólikti uqypty júrgizý ári saq bolý ekendigin aıtty.
«Jazǵy ýaqytta qalypty jaǵdaı bolyp kórinetin jyldamdyqty qys mezgilinde umytý kerek. Qashyqtyqty saqtaý qajet. Qozǵaltqysh tejeńiz nemese ımpýlsti tejegishti qoldanyńyz. Eki ádisti qoldansańyz da bolady», - delingen baspasóz habarlamasynda.
Avtory: Rýslan Shaqabaev
