ShQO-da qutqarýshylar 5 kún buryn taýda joǵalyp adamdy tapty
ÓSKEMEN. QazAqparat - Aımaqtaǵy kezekti izdestirý-qutqarý jumystary sátti aıaqtaldy - qutqarýshylar 5 kún taý arasynda joǵalyp ketken sańyraýqulaq terýshini tapty, dep habarlady oblystyq TJD.
«11 tamyz kúni tańǵy 9-da Rıdder qalasynan shyqqan TJK Shyǵys aımaqtyq aeromobıldi jedel qutqarý jasaǵy MK kúshteri (10 adam jáne 2 tehnıka) 7 tamyzda Kókshe taýy mańynda sańyraýqulaq terip júrip, adasyp ketken 38 jastaǵy er adamdy izdestirý jumystaryn bastady», delingen habarlamada.
Saǵat 14:30-da er adam tabyldy, jaǵdaıy qanaǵattanarlyq, medıtsınalyq kómekke zárý emes, dep málimdedi qutqarýshylar.
