ShQO-da qutqarýshy sý astynda 5 mınýt jatyp qalǵan adamdy ajaldan arashalap qaldy
NUR-SULTAN. QazAqparat –Shyǵys Qazaqstannyń Sibe kólderi men Buqtyrma sý qoımasynda sýǵa ketken adamdar qutqaryldy, dep habarlaıdy QazAqparat tilshisi.
Oblystyq tótenshe jaǵdaılar departamentiniń habarlaýynsha, birinshi oqıǵa Ulan aýdanynyń Sibe kólderinde bolǵan. 1977 jyly týǵan er adam kólge batyp kete jazdaǵan. Abyroı bolǵanda, qasynda inisi Ashat Sart oǵan kómek kerek ekenin der kezinde baıqap, sý astynda esinen tanǵan aǵasyn jaǵaǵa alyp shyqqan.
Ashattyń ózi qutqarýshylarǵa sýda jaqsy júze almaıtynyn aıtqan. Biraq aǵasyna ajal qaýpi tóngen kezde táýekelge baryp, eriksiz sýǵa súńgigen.
Jaǵadaǵy shýdy kórgen jedel járdem stansasynyń feldsherleri Nurlybek Eshenov pen Aıdos Mýsın kómekke kelip, es-tússiz jatqan er adamǵa reanımatsııalyq kómek kórsetken.
Feldsherler kól jaǵasyna demalý úshin kelgenine qaramastan, jumystan tys ýaqytta da kásibı mindetterin múltiksiz oryndap shyqty.
Ekinshi oqıǵa Altaı aýdanynyń Buqtyrma sý qoımasynyń jaǵasynda tirkelgen.
Demalys kúni jedel-qutqarý jasaǵynyń qyzmetkeri Dmıtrıı Rýdametov áıel adamdy qutqardy. Es-tússiz kúıdedgi áıeldi sýdan mańyndaǵy ózge demalýshylar alyp shyqqan. Toptasqan jurt jedel járdem shaqyryp úlgergenshe Dmıtrıı Rýdametov alǵashqy medıtsnalyq kómek kórsetýge kirisip ketedi. Óziniń aıtýynsha, áıel sý astynda 5 mınýt boıy jatyp qalǵan. Sondyqtan onyń esin jıǵyzý ońaı bolmaǵan. Áýeli júrekke massaj jasap, odan keıin jasandy tynys jasaý arqyly, áıeldi ómrige qaıtarǵan.
Dmıtrıı Rýdametov Buqtyrma jedel-qutqarý jasaǵynyń quramynda jyldan beri jumys istep keledi. Ózi óz tájirıbesinde alǵash ret zardap shegýshige alǵashqy medıtsınalyq kómek kórsetkenin aıtady.
ShQO tótenshe jaǵdaılar departamentiniń málimetinshe, shomylý maýsymy bastalǵannan beri óńirde 20 adamǵa sýǵa ketken. Onyń úsheýi – bala.
