ShQO-da qutqarýshylar kólik júrgizýshilerine eskertý jasady
ÓSKEMEN. KAZINFORM – Shyǵys Qazaqstan oblysynda qutqarýshylar kólik júrgizýshilerine alys saparǵa shyqpaý qajettigin eskertti.
Óńirde 11 qarasha kúni aýa raıynyń kúrt buzylýyna baılanysty eskertý jarııalandy.
Sınoptıkterdiń boljaýynsha, oblysta qar jaýyp, kóktaıǵaq pen boran turýy yqtımal. Keıbir aýdandarda jeldiń ekpini sekýndyna 23 metrge deıin jetýi múmkin.
- Mundaı aýa raıynda kólik júrgizýshilerine alys jolǵa shyqpaýǵa keńes beremiz. Eger mindetti túrde jolǵa shyǵý kerek bolyp jatsa, ózińizben birge arqan, kúrek, áınek tazalaıtyn qural, qosymsha janarmaı, sham, jyly kıim, tolyq zarıadtalǵan telefon men PowerBank, azyq-túlik jáne ystyq shaı quıylǵan termos alyńyz, - dep habarlady ShQO Tótenshe jaǵdaılar departamentinen.
Oblystyq mańyzy bar tasjoldardaǵy jaǵdaıdy bilý úshin kólik júrgizýshileri «OblShyǵysJol» JShS-ǵa +7 (7232) 57-42-52, +7-705-798-05-99 telefon nómirleri arqyly habarlasa alady.
Eske salsaq, osyǵan deıin Aqmola oblysynda kóktaıǵaqqa qaramastan jazǵy dóńgelekpen shyqqan júrgizýshiler joldan qaıtarylǵany habarlanǵan.