ShQO-da qurylysy «jyr» bolǵan Osınov asýyndaǵy jol kúzde paıdalanýǵa berilmek

ÓSKEMEN. KAZINFORM — Shyǵys Qazaqstan oblysy Altaı aýdanyndaǵy qurylysy sozylyp ketken Osınov asýyndaǵy jol bıyl kúzde paıdalanýǵa beriledi dep josparlanyp otyr.

2018 jyly Óskemen-Altaı baǵytyndaǵy Osınov asýynan tóte joldyń qurylysy bastalǵan bolatyn. Bul — óte mańyzdy jol. Sebebi Altaı aýdanyndaǵy Buqtyrma sý qoımasyna jáne Katonqaraǵaı aýdanyna týrıster tek osy jol arqyly jetedi.

Alaıda jol salýshylar baıqaýsyzda orman sharýashylyǵynyń jerine kirip ketkendikten jol qurylysy toqtap qalyp, ótken jyly qaıta salyna bastady. Osylaısha, halyqtyń bul joldyń paıdalanýǵa berilgenin tosyp júrgenine 7 jyl boldy. 

— 2025 jyldyń 1 qyrkúıeginde týrıstik baǵyttyń negizgi ýchaskeleriniń biri — Osınov asýyn aınalyp ótetin jol qurylysy aıaqtalady. Sondaı-aq týrıstik baǵyttarǵa aparatyn joldar boıynda dárethanalar ornatylady. Olardyń tazalyǵy baqylaýda bolady, — dep habarlady ShQO ákimdiginen. 

Eske salsaq, osyǵan deıin ShQO-da panoramalyq vagondar jobasy nege iske aspaıtyn bolǵany jaıly jazǵanbyz.