ShQO-da qurylysy «jyr» bolǵan Osınov asýyndaǵy jol kelesi jyly qaıta salynady
Shyǵys Qazaqstan oblysy Altaı aýdanyndaǵy qurylysy «jyr» bolǵan Osınov asýyndaǵy jol 2024 jyly qaıta salyna bastaıdy, dep habarlaıdy QazAqparat tilshisi.
2018 jyly Óskemen-Altaı baǵytyndaǵy Osınov asýynan tóte joldyń qurylysy bastalǵan bolatyn. Bul - óte mańyzdy jol.
Sebebi Altaı aýdanyndaǵy Buqtyrma sý qoımasyna jáne Katonqaraǵaı aýdanyna týrıster tek osy jol arqyly jetedi.
5 jyl ótse de jol áli salynyp bitpedi.
Onyń sebebin ákimdik – jol salýshylar baıqaýsyzda orman sharýashylyǵynyń jerine kirip ketken dep túsindirgen bolatyn.
Búgin baspasóz máslıhatynda Shyǵys Qazaqstan oblysynyń jolaýshylar kóligi jáne avtomobıl joldary basqarmasy basshysynyń orynbasary Aıjan Rahymbaeva bul joldyń kelesi jyly qaıta salyna bastaıtyndyǵyn málim etti.
«Joldyń 56-dan 72 shaqyrymyna deıingi ýchaskede qurylys jumystaryn júrgizetin merdiger kompanııa anyqtaldy. Biraq osy jyly bul maqsatta respýblıkalyq bıýdjetten qarjy bólingen joq. Al 72-den 88 shaqyrymǵa deıingi ýchaskege qatysty joba áli ázirlenýde. Túzetý jumystary men saraptamany bıyl aıaqtaý josparlanǵan», - dedi ol.
