ShQO-da qur qursaýynda qalǵan 6 adam qutqaryldy
ÓSKEMEN. QazAqparat – Shyǵys Qazaqstan oblysy Úrjar aýdanynda qur qursaýynda qalǵan 6 adam qutqaryldy, dep habarlaıdy QazAqparat tilshisi.
ShQO Tótenshe departamenti baspasóz qyzmetiniń málimetine súıensek, 25 aqpanda Úrjar aýdanyndaǵy «Maqanshy-Qarabuta» tasjolynda «Toyota Windom» markaly avtokólik qarǵa batyp qalǵan. Onyń ishinde 4 adam boldy.
«Oqıǵa ornyna birden №54 órt sóndirý bóliminiń qyzmetkerleri kelip jetti. Olar azamattardy evakýatsııalap, jaqyn mańda ornalasqan aýyldaǵy týystarynyń úıine jetkizip tastady», - delingen habarlamada.
Sonymen qatar qutqarýshylar jol jónekeı qar qursaýynda qalǵan «Subaru Forester» kóligin kórip, kómekke keldi. 2 adam Maqanshy aýylyna jetkizildi.
Osy rette, TJD mamandary turǵyndarǵa alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes beredi.
