ShQO-da quqyǵy buzylǵan tutynýshylarǵa 26 mln teńge qaıtaryldy
ShQO Saýda jáne tutynýshylardyń quqyqtaryn qorǵaý departamentiniń málimetine súıensek, bir jyl ishinde óńir jurtshylyǵynyń 731 ótinishi qaraldy. Halyq kóp jaǵdaıda sapasyz taýarlardy satyp alý kezinde týyndaıtyn máselelermen, atap aıtqanda aıyrbastaý jáne qaıta ótkize almaý, turmystyq qyzmetterdiń sapasyz kórsetilýi syndy shaǵymdarmen júgingen.
«Departament mamandarynyń aralasýymen quqyǵy buzylǵan tutynýshylarǵa 26 mln 626 myń teńge qaıtaryldy. Onyń ishinde 14 mln 248 myń teńge bólshek saýda salasyna qatysty. Byltyr eki mekemege jospardan tys tekserý júrgizildi. Sonyń nátıjeleri boıynsha ákimshilik jazalar qoldanylyp, tutynýshylardyń quqyqtaryn qorǵaý salasyndaǵy buzýshylyqtardy joıý týraly uıǵarymdar shyǵaryldy», - deıdi departament basshysynyń orynbasary Qanat Jeńisbekuly.
Sondaı-aq atalǵan vedomstvo Óskemen qalasyndaǵy B.Momyshuly kóshesi, 14 mekenjaıy boıynsha sapasyz salynǵan toǵyz qabatty turǵyn úıge qatysty sot protsesin jeńip shyqty. Osylaısha, 162 tutynýshynyń quqyǵy qorǵalyp, olarǵa 308 mln teńge ótemaqy berildi.