ShQO-da kúkirt qyshqyly tógilgen jer mańyndaǵy bulaqtan synama alyndy
Keshe Kúrshim aýdanynda 23 tonna kúkirt qyshqylyn tıep kele jatqan júk kóligi aýdarylyp qalǵan bolatyn. Sonyń saldarynan jerge 20 tonnaǵa jýyq kúkirt qyshqyly tógilgen.
ShQO Aqparat ortalyǵynyń málimetine súıensek, búgin merdiger uıym «Hım Transservıs» JShS sol aýmaqta topyraq qazyp aldy. Topyraq úıindisi siltisizdendirý úshin shyǵarylady.
Kúrshim aýdany ákimdiginiń dereginshe, oqıǵa ornynan 30 metr qashyqtyqta qurǵap qalǵan bulaq arnasy, al 5 shaqyrym jerde bulaq kózi bar. Qazirgi ýaqytta toksıkologııalyq zertteýler úshin bulaq sýynan synama alyndy.
«Ol eldi mekenderden alys, sondyqtan turǵyndar bul bulaqtan sý almaıdy. Qalǵuty aýyldyq okrýginiń (Qaratoǵaı Egindibulaq, Aqbulaq aýyldary) jergilikti turǵyndary Whatsapp messendjeri arqyly habardar etildi», - delingen habarlamada.