ShQO-da qudyqqa túsip ketken 3 jasar bala kóz jumdy
ÓSKEMEN. QazAqparat – Shyǵys Qazaqstan oblysy Glýbokoe aýdanynda qudyqqa túsip ketken 3 jasar bala qaza boldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Glýbokoe aýdandyq polıtsııa bólimine qudyqqa qulaǵan 3 jasar balanyń jansaqtaý bólimine jetkizilgeni týraly habar tústi.
«Oınap júrip jer úıdiń aýlasynan alystaǵan búldirshin abaısyzda qudyqqa túsip ketti. Aýyr dárejedegi dene jaraqatyn alǵan ol medıtsınalyq mekemeniń jansaqtaý bólimine jetkizilgen. Ókinishke qaraı, dárigerler balany aman alyp qala almady. Atalǵan fakti boıynsha tıisti saraptamalar taǵaıyndaldy. Sonyń nátıjeleri boıynsha protsessýaldyq sheshim qabyldanady», - dep habarlady vedomstvo ókilderi.
Osy rette polıtsııa qyzmetkerleri óńir jurtshylyǵyna kámelettik jasqa tolmaǵan balalardy qaraýsyz qaldyrmaý qajettigin eskertedi.
