ShQO-da KSRO pasportymen turyp jatqan 90-nan astam adam anyqtaldy
ShQO Polıtsııa departamenti baspasóz qyzmetiniń málimetine súıensek, tártip saqshylary 1974 jylǵy KSRO pasportyn ýaqytyly aýystyrmaǵan adamdardyń quqyqtyq mártebesin retteý boıynsha jumys júrgizýde.
Jyl basynan beri eski qyzyl pasportpen júrgen 90-nan astam azamat anyqtaldy. Olardyń biri 1983 jyly Reseı Federatsııasynan kóship kelgen 54 jastaǵy Shemonaıha aýdanynyń turǵyny. Ol 16 jasqa tolǵannan keıin 1974 jylǵy KSRO pasportyn alǵan.
«Shemonaıha aýdany polıtsııa bólimi kóshi-qon qyzmeti bólimshesiniń qyzmetkerleri Adam quqyqtary jáne zańdylyqty saqtaý jónindegi Halyqaralyq bıýronyń Shyǵys Qazaqstan oblystyq fılıalynyń zańgerimen birlesip, Óskemen qalasyndaǵy Reseı Federatsııasynyń Bas konsýldyǵy arqyly shet memleket azamattyǵynyń joqtyǵy týraly qajetti aqparatty alýǵa kómek kórsetti. Búgingi tańda er adam kópten kútken qujatty aldy. Endi ol barlyq memlekettik qyzmetterdi paıdalana alady», - delingen aqparatta.
Osy rette, polıtseıler qandaı da bir sebeptermen jeke basyn kýálandyratyn qujattary joq azamattarǵa turǵylyqty jeri boıynsha kóshi-qon qyzmetine habarlasýǵa shaqyrdy.
Foto: miemigration.ru