ShQO-da qosymsha bilim beretin uıymdar onlaın jumys isteýde
ÓSKEMEN. QazAqparat – Shyǵys Qazaqstan oblysynda balalarǵa arnalǵan qosymsha bilim berý uıymdary onlaın jumys isteýde, dep habarlaıdy QazAqparat tilshisi.
Elimizde jarııalanǵan tótenshe jaǵdaıǵa baılanysty qashyqtan jumys isteýge kóshken uıymdardyń biri – Óskemendegi oqýshylardyń shyǵarmashylyq saraıy. Búginde sol mekemeniń qyzmetkerleri balalardy bes baǵyt boıynsha oqytýda.
«Bizdiń ujym oqýshylarmen vokaldyq, horeografııalyq, sándik-qoldanbaly óner, áleýmettik-pedagogıkalyq jáne áleýmettik-psıhologııalyq baǵyttar boıynsha jumys isteýde. Josparlanǵan sharalar onlaın rejımde ótip jatyr», - deıdi oqýshylar shyǵarmashylyq saraıynyń dırektory Galına Astashkına.
Onyń aıtýynsha, balalar Abaı Qunanbaıulynyń 175 jyldyǵyna oraı vıktorınalyq saýaldardy sheship, oı-órisin keńeıtýde. Sondaı-aq mamandar oqýshylar men ata-analarǵa onlaın rejımde psıhologııalyq keńes berýde.
Esterińizge sala ketsek, osyǵan deıin Shyǵys Qazaqstanda mektep túlekterine qashyqtan baǵyt-baǵdar berilip jatqany habarlanǵan.
