ShQO-da qosymsha 50 jasandy tynys alý apparaty satyp alyndy
ÓSKEMEN. QazAqparat - Shyǵys Qazaqstan oblysynda koronavırýska shaldyqqan naýqastarǵa arnalǵan oryndardy qajetti quralmen jabdyqtaý jumysy qarqyndy túrde júrgizilýde.
Búgingi kúni 196 jasandy tynys alý apparatyna qosymsha 50 jáne 57 sandyq rentgen-apparatyna qosymsha 10 apparat satyp alyndy.
Bul týraly aımaqtyq kommýnıkatsııalar qyzmetinde ótken online-brıfıng barysynda ShQO Densaýlyq saqtaý basqarmasynyń basshysy Іlııas Muhamedjanov málimdedi, dep habarlaıdy ShQO Densaýlyq saqtaý basqarmasy baspasóz qyzmeti.
«Osyǵan deıin 175 ottegi kontsentratorǵa qosymsha búgin 30 kelip tússe, 17 shildegen deıin -160, 1 tamyzǵa deıin taǵy 133 apparat alynady. Sondaı-aq, 200 monıtor, 200 ınfýzomat, 3 EKMO qurylǵysy, 178 pýlsoksımetr, 12 jasandy tynys alý apparaty (onyń ishinde 2 danasy balalarǵa arnalǵan), jáne 1 kompıýterlik tomograf satyp alyndy», – dedi basqarma basshysy.
Qazirdiń ózinde oblysta 15 kompıýterlik tomografııa ár aýdan-qala boıynsha tirkelip, táýlik boıy jumys istep tur.
Sonymen qatar, jedel járdem kóligi jetispeýshiliginiń aldyn alý maqsatynda qosymsha 216 kólik satyp alý josparlanǵan. Alǵashqy 100 kólik qyrkúıek aıynda qoldanysqa berilmek.
