ShQO-da Qostanaıda órtten zardap shekkenderge 35 tonna gýmanıtarlyq kómek jınaldy
ÓSKEMEN. QazAqparat – Shyǵys Qazaqstan oblysynyń turǵyndary Qostanaıda órtten zardap shekkenderge 35 tonna gýmanıtarlyq kómek jınady, dep habarlaıdy QazAqparat tilshisi.
«AMANAT» partııasy Shyǵys Qazaqstan oblystyq fılıalynyń gýmanıtarlyq pýnktinde 35 tonna júk jınaldy. Óńir jurtshylyǵy munda 4 qyrkúıekten bastap kómek jınaýǵa kirisken.
«Barlyq deńgeıdegi depýtattar, janashyr azamattar, jastar men eriktiler azyq-túlik, turmystyq tehnıka men qajetti zattardy jınap jatyr. Bul baǵyttaǵy jumystar aldaǵy ýaqytta da jalǵasa bermek. Dál qazir gýmanıtarlyq pýnktke 14 tonna un, 5 tonna makaron, 10 tonna kúnbaǵys maıy, 3 tonna aýyz sý jınaldy», - deıdi partııa fılıalynyń jaýapty hatshysy Saırangúl Jumadilova.
Barlyq jınalǵan gýmanıtarlyq kómek 6 qyrkúıek kúni túste Qostanaı oblysyna jóneltiledi.
