ShQO-da kóshkin túsip, joldy jaýyp qaldy
ÓSKEMEN. QazAqparat - Shyǵys Qazaqstannyń taýly aýdanyna kóshkin túsip, qar joldy jaýap qaldy, dep habarlaıdy QazAqparat tilshisi.
Keshe keshke Glýbokoe aýdanynyń Óskemen-Severnoe baǵytyndaǵy jolda kóshkin túsip, 4,3 myń tekshe metr qar joldy jaýyp qalǵan.
«Zardap shekken adam nemese búlingen tehnıka joq. Qardy arshýǵa 3 tehnıka jumyldyryldy. Kóshkinniń túsýine tolassyz qardyń sońy jylymyqqa aınalyp, arty burqasynǵa ulasýy sebepshi bolǵan» - delingen oblystyq tótenshe jaǵdaılar departamenti taratqan aqparatynda.
«Qazseldenqorǵaý» mekemesi qys ortasynda aıazdyń synýy taýly aýdandardy kóshkin qaýpin týdyryp otyrǵandyǵyn eskertýde. Ásirese 9-14 qańtar aralyǵynda taýǵa shyǵý qaýipti bolmaq.
