ShQO-da kóshkin qaýpine baılanysty qar túsiriletindikten jol jabyldy

ÓSKEMEN. QazAqparat – Shyǵys Qazaqstan oblysynda jasandy jolmen qar túsiriletindikten jol jabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, búgin óńirdegi tasjoldardyń birinde profılaktıkalyq maqsatta qar túsirilmek.

«Saǵat 11.00-den bastap oblystyq mańyzy bar «Óskemen-Tarǵyn-Samar» tasjolynyń 95-102 shaqyrymynda kóliktiń barlyq túri úshin qozǵalysqa tyıym salyndy. Júrgizýshilerden túsinistik tanytýdy suraımyz», - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, osyǵan deıin ShQO-da taý bókterinde tórt jarylys jasalyp, 6100 tekshe metr qar túsirilgenin jazǵan bolatynbyz.