ShQO-da kóshi-qon zańnamasyn buzǵan 40-qa jýyq sheteldik jaýapqa tartyldy
ShQO polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Quqyqtyq tártip» jedel aldyn alý sharasyn ótkizýde.
«Sonyń aıasynda kóshi-qon qyzmetiniń mamandary oblysta ýaqytsha jáne turaqty turatyn shetel azamattarynyń tirkelgen mekenjaılaryn, qabyldaýshy tulǵalardyń olarǵa shetelden kelgen qonaqtar týraly ýaqtyly habarlamalarynyń bolýyn tekserip jatyr. Úsh kún ishinde kóshi-qon zańnamasyn buzǵany úshin 98 azamat ákimshilik jaýapkershilikke tartyldy. Olardyń ishinde 39-y sheteldik», - delingen aqparatta.
Eki sheteldik azamat Qazaqstan aýmaǵynan shyǵarylyp otyr.
Osy rette, ShQO PD kóshi-qon qyzmeti qabyldaýshy jeke jáne zańdy tulǵalarǵa 3 kún ishinde sheteldikterdiń kelgeni týraly habardar etýge mindetti ekenin eskertedi. Ýaqtyly habarlamaǵan jaǵdaıda olar ákimshilik jaýapkershilikke tartylady.