ShQO-da kóshi-qon zańnamasyn buzǵan 317 sheteldik anyqtaldy
ShQO polıtsııa departamenti baspasóz qyzmetiniń málimetine súıensek, tártip saqshylary 1 qazannan bastap «Ýchaske» jedel aldyn alý sharasyn júrgizip jatyr.
Ondaǵy maqsat – úılerdegi túrli quqyq buzýshylyqtardy anyqtaý, el aýmaǵyna zańsyz keletinderge tosqaýyl qoıý.
Búgingi tańda polıtsııa qyzmetkerleri 176 290 turǵyn úıdi, onyń ishinde 97 858 páterdi, 62 916 jer úıdi jáne 15 516 saıajaıdy aralap, 1 469 sharýa qojalyǵyn tekserdi.
Sondaı-aq 1 165 jaldamaly páter tekserýden ótken. Nátıjesinde, memlekettik kiris organdarynda tirkelmegen jáne salyq tólemegen 228 jaldamaly páter anyqtaldy.
«Kóshi-qon zańnamasyn buzǵan 317 sheteldik ákimshilik jaýapkershilikke tartyldy. Onyń ishinde 312-i TMD, 5-i alys shetel azamattary. Budan bólek, Qazaqstan Respýblıkasynda tirkeýsiz ne jeke basyn kýálandyratyn qujatsyz turǵany úshin 850-den astam adamǵa aıyppul salyndy», - deıdi oblystyq PD bastyǵynyń birinshi orynbasary Dýman Qojahmetov.
Aıta keteıik, «Ýchaske» sharasy 1 qarashaǵa deıin jalǵasady.