ShQO-da kóshi-qon bastyǵy sheteldikterdiń elde júrip-turý merzimin uzartý úshin para alǵan

ÓSKEMEN. QazAqparat – Shyǵys Qazaqstan oblysynda kóshi-qon qyzmetiniń bastyǵy sheteldikterdiń elde bolý merzimin uzartý úshin para alyp otyrǵan, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttigi ShQO boıynsha departamentiniń málimetine súıensek, kóshi-qon salasyndaǵy taldaý barysynda birqatar zańbuzýshylyq anyqtalǵan.

«Atap aıtqanda, jumys vızasyn alý jáne sheteldikterdiń júrip-turý merzimin uzartý kezinde para alynǵany belgili boldy. Anyqtalǵan sybaılas jemqorlyq táýekelderin joıý boıynsha naqty usynystar ázirlendi. Oblystyq kóshi-qon polıtsııasy basqarmasynyń bastyǵyna qatysty qylmystyq is tirkeldi. Sot úkimimen ol kináli dep tanyldy», - deıdi departament basshysy Denıs Shakenov.

Óskemen qalalyq № sotynyń sheshimimen aıyptalýshyǵa 10 mln teńge kóleminde aıyppul salyndy.

Ol sondaı-aq memlekettik qyzmette, jergilikti ózin-ózi basqarý organdarynda, QR Ulttyq bankinde jáne onyń vedomstvolarynda, qarjy naryǵyn jáne qarjy uıymdaryn retteý, baqylaý jáne qadaǵalaý jónindegi ýákiletti organdarda ómir boıy jumys isteı almaıdy.