ShQO-da kóshe kezgen elik bıologııalyq ortalyqqa jetkizildi
SEMEI. QazAqparat – Semeı qalasynda kóshe kezip júrgen elik bıologııalyq ortalyqqa jetkizildi, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, 10 tamyz kúni Qozybaǵarov kóshesindegi kópqabatty turǵyn úılerdiń arasynda elik júrgeni jaıly habar túsken. Birden sol jerge ýchaskelik polıtsııa qyzmetkerleri, ormanshylar jáne tabıǵat qorǵaý polıtseıleri attanǵan.
«Olar kóp uzamaı kóshe kezgen elikti qolǵa túsirdi. Jabaıy ań jaralanyp qalmas úshin ony kórpege orap bıologııalyq ortalyqqa jetkizdi», - dep habarlady vedomstvo ókilderi.
Qazirgi ýaqytta mamandar túz taǵysynyń jaǵdaıyn baqylaýda. 10 kúnnen keıin elik erkindikke qaıta jiberilýi múmkin.
