ShQO-da qos azamattyǵy bar 50-den astam adam anyqtaldy
ShQO Polıtsııa departamenti baspasóz qyzmetiniń málimetine súıensek, zańǵa sáıkes basqa eldiń azamattyǵyn alǵan adam 30 kún ishinde Qazaqstan Respýblıkasynyń jeke kýáligi men tólqujatyn mindetti túrde tapsyryp, el azamattyǵynan shyqqandyǵyn tirkeý qajet. Alaıda olardyń keıbiri basqa eldiń azamattyǵyn ala tura, QR qujatyn qoldanyp keledi. Kóp jaǵdaıda buǵan zeınetaqy, járdemaqy jáne de basqa da belgilengen áleýmettik jeńildikterdi qoldaný maqsatynda barady. Jyl basynan beri óńirde qos azamattyǵy bar 50-den astam adam tirkelgen.
«Máselen, kóshi-qon qyzmetiniń mamandary taıaýda 2002 jyldyń maýsym aıynda Reseı Federatsııasynyń azamattyǵyn qabyldaǵan Glýbokoe aýdanynyń turǵynyn anyqtady. Memlekettik qyzmetterdi alý kezinde ol Qazaqstan Respýblıkasy azamatynyń qujattaryn paıdalanǵan. Tártip buzýshyǵa QR ÁQBtK-niń 496-baby 1-bóligine sáıkes 100 AEK mólsherinde aıyppul salyndy», - delingen habarlamada.
Sondaı-aq sheteldikten QR azamatynyń jeke kýáligi men tólqujaty tárkilendi.