ShQO-da qos azamattyǵy bar 40-tan astam adam jazalandy
ShQO Polıtsııa departamenti baspasóz qyzmetiniń málimetine súıensek, Kóshi-qon qyzmeti basqarmasynyń polıtseıleri óńir halqy arasynda qos azamattyǵy bar adamardy anyqtaý maqsatynda birqatar sharalardy qolǵa alǵan.
«Jarty jyl ishinde 500-den astam adam Qazaqstan azamattyǵynan shyqty. Olardyń negizgi bóligi – Reseı Federatsııasy, Germanııa jáne Qyrǵyzstan Respýblıkasy azamattyǵyn qabyldaǵan. Sonymen qatar qos azamattyǵy bar 40-tan astam adam anyqtaldy. Onyń ishinde shetel azamattyǵyn alý faktisi týraly belgilengen merzimde habarlamaǵany úshin 10 adam, QR tólqujatyn jáne jeke kýálikti paıdalanǵany úshin 30 adam ákimshilik jaýapkershilikke tartyldy», - dedi ShQO PD Kóshi-qon qyzmeti basqarmasynyń bastyǵy Erbol Bekpaev.
Máselen, maýsym aıynyń ortasynda tártip saqshylary 2021 jyldyń aqpanynda Altaı ólkesi Barnaýl qalasynda Reseı Federatsııasynyń azamattyǵyn qabyldaǵan Rıdder qalasynyń turǵynyn anyqtady. Ol memlekettik qyzmetterdi alý kezinde QR azamatynyń qujattaryn paıdalanǵan. ÁQBtK-niń 496-baby 1-bóligine sáıkes, tártip buzýshyǵa 100 AEK mólsherinde aıyppul salyndy. Sondaı-aq sheteldikten Qazaqstan Respýblıkasy azamatynyń jeke kýáligi men tólqujaty alyndy.