ShQO-da kórshisiniń terezesine myltyqtan oq atqan jigit ustaldy
ShQO polıtsııa departamenti baspasóz qyzmetiniń málimetine súıensek, Altaı qalasynda polıtsııaǵa qońyraý shalǵan azamat keshki ýaqytta páteriniń terezesine belgisiz bireýdiń oq atqany jaıly habar berdi.
Polıtsııa qyzmetkerleri kópqabatty úıge baryp, jedel izdestirý sharalaryn júrgizdi. Sonyń barysynda kúdikti retinde kórshi podezde turatyn 23 jastaǵy jigit ustaldy.
Onyń úıine shuǵyl tintý júrgizý kezinde «IJ-18 EM-M» markaly bir uńǵyly ańshylyq myltyqty, 12 kalıbrli úsh gılza men 8 oqty tapqan.
«Belgili bolǵandaı, ustalǵan er adam jábirlenýshiden bir qabat joǵary turatyn kórshisimen eregesip qalǵan. Aýlaǵa shyqqan ol qarama-qarsy úıdegi álgi kórshisiniń terezesin naqtylamaq bolady. Myltyqty nysanaǵa baǵyttaǵanymen atylǵan oq esh kinási joq basqa turǵynnyń terezesine tıip ketken. Al sózge kelip qalǵan kórshisiniń terezeleri aýlanyń basqa jaǵyna qaraıtyn bolyp shyqty», - delingen aqparatta.
Atalǵan fakti boıynsha QR QK-niń 293-baby 3-bóligimen (buzaqylyq) sotqa deıingi tergeý amaldary bastaldy.
Kúdikti 3-ten 7 jylǵa deıingi merzimge bas bostandyǵynan aıyrylýy múmkin.
