ShQO-da koronavırýsqa qarsy dári-dármek qory jetkilikti
ÓSKEMEN. QazAqparat – Shyǵys Qazaqstan oblysynda JRVI, tumaý men KVI-ge qarsy dári-dármek qory jetkilikti, dep habarlaıdy QazAqparat tilshisi.
ShQO Densaýlyq saqtaý basqarmasynyń málimetine súıensek, óńirde JRVI men tumaýdy emdeý úshin vırýsqa qarsy Remantadın, Tamıflý, Anaferon, Osıvır, Ýlkarıl, Aflıýdol preparattarynyń jetkilikti qory bar. Qazirgi ýaqytta vırýsqa qarsy preparattar 8324 patsıentti emdeýge jetedi. Sondaı-aq turaqtandyrý qorynda 115 myń patsıentti emdeý kýrsyna jetetin vırýsqa qarsy preparattar qory ázirlengen.
«2019 jyldaǵy epıdemııalyq maýsymda JRVI men tumaýdyń 12,6 myń jaǵdaıy tirkeldi. Ótken jyly bul kórsetkish 6,4 myńdy quraǵan. Demek, boljamǵa sáıkes bul aýrýlardy emdeýge qajetti vırýsqa qarsy preparattar 2021 jáne 2022 jyldardaǵy 2 epıdmaýsymǵa jetkilikti», - delingen habarlamada.
Koronovırýs ınfektsııasyn emdeýdiń klınıkalyq hattamasy aıasyndaǵy dárilik preparattar boıynsha oblysta Nadroparın, Kleksan, Arıkstra, Geparın, Rıvaroksaban antıkoagýlıantty preparattary, vırýsqa qarsy Remdesıvır preparaty, glıýkokortıkosteroıdty jáne vazopressorly preparattar bar.
Medıtsınalyq mekemelerdegi tósek-oryndar tolǵan jaǵdaıda antıkoagýlıant qory 24 kúnge, glıýkokortıkosteroıd 45 kúnge jetedi. Reanımatsııalyq bólimshelerge túsken patsıentterdi vazopressorlyq preparattar 23 kúnge, ınotropty preparattar 40 kúnge qamtamasyz etedi.
«Árbir medıtsınalyq uıymda jyl sońyna deıin preparattardy jetkizý kestesi daıyndalǵan. Aýrýhanalardaǵy tósek-oryndardyń bir mezette tolmaıtynyn eskersek, dári-dármekter 30 kúndik merzimge jetkilikti. Qajettilik týǵan jaǵdaıda SK-Farmatsııanyń biryńǵaı dıstrıbıýteri arqyly jetkizý merzimine túzetý engizip, qosymsha preparattardy 10-14 kúnde jetkizý qarastyrylǵan. Dárilerdi satyp alý boıynsha barlyq shyǵyndar jyldyq qarjylandyrý aıasynda medıtsınalyq uıymdarǵa bólingen» delingen aqparatta.
