ShQO-da koronavırýs juqtyrý kórsetkishi boıynsha Semeı qalasy kósh basynda tur
SEMEI. QazAqparat – Shyǵys Qazaqstan oblysynda koronavırýs juqtyrý kórsetkishi boıynsha Semeı qalasy kósh basynda tur, dep habarlaıdy QazAqparat tilshisi.
Epıdemıologııalyq jaǵdaıdy baǵalaý matrıtsasyna sáıkes óńir 15 sáýirden bastap «sary» aımaqqa kirgen. COVІD-19 naýqastaryn emdeýge arnalǵan ınfektsııalyq statsıonarlardaǵy tósek qorynyń qamtylý paıyzy – 6,2%, R – syrqattanýshylyq kórsetkishi – 1,182 qurap otyr.
«Vırýs juqtyrý kórsetkishi boıynsha birinshi orynda – Semeı (39) tur. Odan keıin Óskemen qalasy (25) ornalasqan. Qaýipti dertke shaldyǵý deńgeıi ótken táýlikpen salystyrǵanda 70 jaǵdaıǵa asqan. ıAǵnı 13 sáýir kúni 25 jaǵdaı tirkelse, 14 sáýirde 95 adam vırýs juqtyrdy. Olardyń ishinde oshaqtar sany – 92, baılanysta bolǵandar sany – 279. Barlyq 279 adam úıde oqshaýlanyp, medıtsınalyq baqylaýǵa alyndy», - delingen ShQO Sanıtarlyq-epıdemıologııalyq baqylaý departamenti taratqan habarlamada..
Epıdemıologııalyq ahýal kúrdelengen jaǵdaıda karantındik shekteýlerdi qatańdatý sharalary 5 kún ishinde júrgiziledi. Qazirgi ýaqytta áleýmettik-ekonomıkalyq obektilerdiń qyzmetin shekteý QR Bas memlekettik sanıtarlyq dárigeriniń 05.03.2021 jylǵy №10 qaýlysyndaǵy 3-qosymshasyna sáıkes júzege asyrylýda.
