ShQO-da koronavırýs juqtyrǵandardyń jeke derekterin taratqandar izdestirilýde
ÓSKEMEN. QazAqparat – Shyǵys Qazaqstan oblysynda juqpaly dertke shaldyqqan 2 adamnyń jeke derekterin áleýmettik jeliler men WhatsApp messendjerinde taratqandar jaýapqa tartylady, dep habarlaıdy QazAqparat.
Bul jaıly ShQO Polıtsııa departamentiniń baspasóz qyzmeti habarlap otyr.
«Qazirgi ýaqytta polıtsııa qyzmetkerleri ınternette jeke derekterdi taratqandardy anyqtaý maqsatynda tergeý amaldaryn júrgizýde. Zańsyz áreketke jol bergenderdiń barlyǵy jazaǵa tartylady», - delingen málimette.
Esterińizge sala ketsek, keshe Semeı qalasynyń 2 turǵynynan koronavırýs anyqtaldy. 1959 jylǵy erli-zaıyptylar 21 naýryz kúni elimizge «Sharm-El-Sheıh – Nur-Cultan» reısimen oralyp, ary qaraı óz kólikterimen Semeıge jetken.
