ShQO-da koronavırýs juqtyrǵandardyń jaǵdaıy týraly aıtyldy
SEMEI. QazAqparat – Koronavırýske shaldyqqan Semeı qalasynyń 2 turǵynymen 6 adam baılanysta bolǵan, dep habarlaıdy QazAqparat.
«Vırýs juqtyrǵan erli-zaıyptylarmen baılanysta bolǵandar anyqtaldy. Qazirgi ýaqytta sol 6 adam dárigerlerdiń baqylaýynda. Onyń ekeýi karantındik statsıonarǵa, tórteýi arnaıy provızorlyq statsıonarǵa jatqyzylǵan. Qajetti em-sharalar júrgizilip jatyr», - deıdi ShQO Densaýlyq saqtaý basqarmasynyń basshysy Іlııas Muhamedjan.
Sondaı-aq olardyń turǵylyqty jerlerinde sanıtarlyq-epıdemıologııalyq sharalar júrgizilýde.
Esterińizge sala ketsek, búgin Semeı qalasynda 2 adamnyń koronavırýs juqtyrǵany anyqtaldy. Erli-zaıyptylar 21 naýryz kúni Mysyrdan kelgen.
