ShQO-da koronavırýs juqtyrǵan segizinshi naýqaspen 48 adam baılanysta bolǵan

Shyǵys Qazaqstan oblystyq Densaýlyq saqtaý basqarmasynyń basshysy Іlııas Muhamedjannyń aıtýynsha, 1980 jylǵy áıel 12 sáýir kúni densaýlyq jaǵdaıy nasharlap ketkendikten úıge jádel járdem shaqyrtqan.

«JRVI belgileri bar patsıent birden provızorlyq statsıonarǵa jatqyzyldy. COVID-19-ǵa alynǵan synama oń nátıje kórsetken. Qazirgi ýaqytta ol ınfektsııalyq statsıonarǵa aýystyryldy. Jaǵdaıy ortasha. Naýqaspen baılanysta bolǵan 48 adam anyqtalǵan. Barlyǵy oqshaýlandy», - deıdi ol.

Esterińizge sala ketsek, búgin Óskemen qalasynda koronavırýske shaldyqqan 1979 jylǵy áıel kóz jumǵan bolatyn.