ShQO-da koronavırýs juqtyrǵan naýqastardyń jaǵdaıy qalaı
ÓSKEMEN. QazAqparat – Shyǵys Qazaqstan oblysynda juqpaly dertke shaldyqqan naýqastar týraly málimet berildi, dep habarlaıdy QazAqparat tilshisi.
«Qazirde jalpy óńir boıynsha 8 adam koronavırýsqa shaldyqqan. Onyń ishinde 1 patsıent kóz jumdy. Alty adamnyń densaýlyq jaǵdaıy ortasha bolsa, bir naýqastyń háli turaqty aýyr. Olardyń barlyǵy dárigerlerdiń baqylaýynda», - dep habarlady ShQO ákiminiń baspasóz qyzmeti.
Ákimdiktiń málimetinshe, vırýs juqtyrǵandarmen baılanysta bolǵandar anyqtalyp, oqshaýlanǵan.
Esterińizge sala ketsek, keshe Óskemen qalasynda koronavırýske shaldyqqan 1979 jylǵy áıeldiń qaıtys bolǵany jaıly habarlanǵan.
