ShQO-da koronavırýs juqtyrǵan erli-zaıyptylar Mysyrdan kelgen
ShQO. QazAqparat – Semeı qalasynda koronavırýs juqtyrǵan erli-zaıyptylar Mysyrda demalysta bolyp, 21 naýryz kúni elge kelgen, dep habarlaıdy QazAqparat.
Bul jaıly oblys ákimi Danıal Ahmetov óziniń Facebook paraqshasynda jazdy .
«Semeıde koronavırýs dertiniń alǵashqy 2 jaǵdaıy rastaldy. Olar 2020 jyldyń 21 naýryzynda elimizge «Sharm-El-Sheıh – Nur-Cultan» reısimen oralyp, ary qaraı óz kólikterimen Semeıge jetken», - deıdi aımaq basshysy.
Olarmen birge otbasy músheleri, ıaǵnı taǵy 5 adam bolypty. 2020 jylǵy 28 naýryzda júrgizilgen COVID-19 synamasy tórt adamda teris nátıje kórsetken. Bir synama nátıjesi áli anyqtalǵan joq.
«Sonymen qatar, olarmen baılanysta bolǵan taǵy bir adam anyqtaldy. Onyń da analızi tekserýge alynǵan. Qazirgi tańda tórteýi provızorlyq statsıonarǵa oqshaýlanǵan, qalǵan tórteýi karantındik statsıonarda dárigerlerdiń baqylaýynda. Naýqastardyń jaǵdaıy ortasha deńgeıde. Alǵashqy shaǵymdary dene qyzýy men sırek jótelge bolǵan. Jedel medıtsınalyq kómek brıgadasy shuǵyl áreket etip, algorıtmge sáıkes arnaıy kapsýlalarda olardy statsıonarǵa jetkizdi. Qazirgi ýaqytta bul adamdar turatyn oryndarǵa dezınfektsııa jumystary júrgizilýde», - dep tolyqtyrdy ákim.
