ShQO-da koronavırýs juqtyrǵan altynshy naýqas 13 jasta
SEMEI. QazAqparat – Semeı qalasynda 2007 jyly týǵan bala koronavırýs juqtyrǵan, dep habarlaıdy QazAqparat.
ShQO Densaýlyq saqtaý basqarmasynyń basshysy Іlııas Muhamedjannyń aıtýynsha, sońǵy úsh kúnde óńir boıynsha 3 adam koronavırýs juqtyrǵan. Onyń ishinde eki jasóspirim bar.
«Búgin Semeıde 2007 jyly týǵan taǵy bir oqýshyda koronavırýs rastaldy. Ol buǵan deıin osy dıagnozben statsıonarǵa túsken 2006 jylǵy naýqastyń inisi. Onymen jaqyn baılanysta bolǵandyqtan 5 sáýirde COVID-19-ǵa tekserilgen. Nátıjesi oń. Ekeýi de ınfektsııalyq statsıonarǵa jatqyzyldy. Jaǵdaılary ortasha», - deıdi ol.
Osy rette, oblys ákimdigi turǵyndardyń úıde bolýlaryn, qajetsiz syrtqa shyqpaýlaryn suraıdy.
Esterińizge sala ketsek, keshe Semeı qalasynda 14 jasar balanyń koronavırýs juqtyrǵany habarlanǵan.
