ShQO-da koronavırýs juqtyrǵan 5 adamnyń ekeýi oqýshy
ÓSKEMEN. QazAqparat – 9 mamyr, saǵat 18:40-taǵy jaǵdaı boıynsha Shyǵys Qazaqstan oblysynda 5 adam koronavırýs juqtyrǵan.
«Semeıde COVID-19 vırýsyn juqtyrǵan taǵy 5 adam tirkeldi. Aýyrǵandardyń ishinde eki oqýshy bar. Atap aıtqanda, 2011 jyly týǵan ul men 2010 jylǵy qyz bala. Sondaı-aq, 1978, 1968 jylǵy er azamattar men 1995 jylǵy jas jigit bar. Bul adamdardyń bári buǵan deıin aýrýhanaǵa túsken naýqastarmen jaqyn baılanysta bolǵandar tobyna jatady»,-delingen Tótenshe jaǵdaı rejımin qamtamasyz etý jónindegi Memlekettik komıssııanyń jedel shtaby taratqan aqparatta. ⠀
Qazirgi jaǵdaı boıynsha Shyǵys Qazaqstan oblysynyń aýmaǵynda koronavırýs ınfektsııasyn juqtyrǵan 48 adam tirkelgen, onyń úsheýi syrttan ákelingen.
