ShQO-da koronavırýs juqtyrǵan 3 naýqaspen 138 adam baılanysta bolǵan
ÓSKEMEN. QazAqparat – Sońǵy málimetterge sáıkes elimizde juqpaly indetke shaldyqqandar sany 1949-ǵa jetti. Onyń ishinde Shyǵys Qazaqstan oblysynda jańadan 3 jaǵdaı tirkeldi, dep habarlady QazAqparat tilshisi.
ShQO ákiminiń baspasóz qyzmeti taratqan aqparatqa súıensek, koronavırýs Óskemen qalasyndaǵy 1972 jyly týǵan er adam jáne 1970 jylǵy áıelden jáne Abaı aýdanyndaǵy 1960 jylǵy azamattan anyqtalǵan.
«Eki jaǵdaıda COVID-19 pnevmonııa jáne JRVI dıagnozy bar naýqastar arasynda, bir jaǵdaıda profılaktıkalyq tekserý kezinde shyqqan. Qazirgi ýaqytta naýqastar oqshaýlanyp, qajetti em qabyldap jatyr. Barlyq epıdemıologııalyq tekserý sharalary, naýqastarmen baılanysta bolǵandardy tabý jáne oqshaýlaý jumystary qarqyndy túrde júrgizilýde», - delingen málimette.
Búginde olarmen baılanysta bolǵan 138 adam anyqtalyp otyr. Jalpy oblys boıynsha 11 adam koronavırýs juqtyrǵan. Onyń ishinde bir adam kóz jumsa, 3 adam jazylyp shyqty.
