ShQO-da Qorǵanys mınıstrligi garnızonynyń laýazymdy tulǵalary sottaldy

SEMEI. QazAqparat – Sybaılas jemqorlyqqa qarsy is-qımyl agenttiginiń Shyǵys Qazaqstan oblysy boıynsha departamenti para alǵan Semeı garnızony eksplýatatsııa bóliminiń bastyǵy men onyń orynbasaryna qatysty qylmystyq isti aıaqtady, dep habarlaıdy QazAqparat tilshisi.

«Aldyn ala sóz baılasqan olar kásipker men QR Qorǵanys mınıstrligi «Áskerılerdi baspanamen qamtamasyz etý bas basqarmasy» Respýblıkalyq memlekettik kásipornynyń kelisimsharty aıasynda 57,4 mln teńge somasyna bolat sym jetkizýdiń oryndalǵan jumystar aktilerine qol qoıý úshin 1,8 mln teńge kóleminde para aldy degen kúdikke ilikken bolatyn», - delingen departamenttiń baspasóz qyzmeti taratqan aqparatta.

Semeı garnızony Áskerı sotynyń úkimimen bólim bastyǵy 9 jylǵa, al onyń orynbasary 7 jylǵa túrmege qamaldy. Sondaı-aq aıyptalýshylar memlekettik qyzmette laýazym atqarý quqyǵynan ómir boıyna aıyryldy.